जे. एस. एम. महाविद्यालयाच्या एन. एस. एस. स्वयंसेवकांकडून अलिबाग समुद्रकिनाऱ्याची स्वच्छता
तुषार थळे, प्रतिनिधी अलिबाग
जे. एस. एम. महाविद्यालयाच्या एन. एस. एस. स्वयंसेवकांकडून अलिबाग समुद्रकिनाऱ्याची स्वच्छता
अनंत चतुर्दशीनंतर ‘स्वच्छ समुद्रकिनारा’ उपक्रमाला उत्स्फूर्त प्रतिसाद
तुषार थळे, प्रतिनिधी अलिबाग
बिनधास्त न्यूज नेटवर्क
अलिबाग, (दि 26): अनंत चतुर्दशीनंतर समुद्रकिनाऱ्यावर जमा झालेला निर्माल्य, प्लास्टिक व इतर कचरा हटवून समुद्रकिनारा स्वच्छ व सुंदर ठेवण्याच्या उद्देशाने जे. एस. एम. महाविद्यालयाच्या राष्ट्रीय सेवा योजना (NSS) विभागाच्या वतीने अलिबाग समुद्रकिनारा स्वच्छता मोहीम राबविण्यात आली.
या स्वच्छता मोहिमेत उपप्राचार्य तथा राष्ट्रीय सेवा योजना कार्यक्रम अधिकारी डॉ. प्रविण गायकवाड, डॉ. पंकज घरत, प्रा. अश्विनी आठवले तसेच महाविद्यालयातील एन. एस. एस. स्वयंसेवकांनी उत्स्फूर्त सहभाग घेतला. स्वयंसेवकांनी समुद्रकिनाऱ्यावरील प्लास्टिक पिशव्या, बाटल्या, कागद, निर्माल्य व अन्य कचरा गोळा करून परिसर स्वच्छ केला.
जनता शिक्षण मंडळाचे अध्यक्ष Adv. डॉ. गौतम पाटील यांनी सांगितले कि अशा उपक्रमातून स्वच्छता, पर्यावरण संवर्धन, सामाजिक जबाबदारी आणि श्रमप्रतिष्ठा यांचा संदेश जनतेमध्ये पोहचण्यास मदत होईल तसेच त्यांनी एन. एस. एस. स्वयंसेवकांचे अभिनंदन व कौतुक केले.
अनंत चतुर्दशीच्या पार्श्वभूमीवर समुद्रकिनाऱ्याचे पर्यावरणीय संतुलन राखणे, सार्वजनिक ठिकाणी स्वच्छता ठेवणे आणि नागरिकांमध्ये ‘स्वच्छ समुद्रकिनारा – सुंदर अलिबाग’ या संकल्पनेबाबत जनजागृती करणे हा या उपक्रमाचा प्रमुख उद्देश होता.
यावेळी महाविद्यालयाच्या प्राचार्या डॉ. सोनाली पाटील व उपप्राचार्य तथा राष्ट्रीय सेवा योजना कार्यक्रम अधिकारी डॉ. प्रविण गायकवाड यांनी स्वयंसेवकांना मार्गदर्शन करताना समुद्रकिनाऱ्याची स्वच्छता ही केवळ एका दिवसाची जबाबदारी नसून पर्यावरण संवर्धनाची सातत्यपूर्ण चळवळ आहे, असे प्रतिपादन केले. एन. एस. एस. स्वयंसेवकांनी सामाजिक बांधिलकी जपत स्वच्छता मोहिमेत सक्रिय सहभाग नोंदविला.
