काळीमा माणूसकीला; सरला टाले

काळीमा माणुसकीला

स्वैराचार माजलाय सुसाट
माणुसकी झालीय पिसाट
वासनांधतेने वखवखलेले
लांडगे सुटतात मोकाट ॥

भयभीत झालेय मातृत्व
असुरक्षित झालेय स्त्रीत्व
रक्षाबंधनाच्या धाग्याचेही
धोक्यात आलेय अस्तित्व ॥

काय गुन्हा केला
कूस तिची उजवली
राक्षसी प्रवृत्तीला प्रसवून
वांझोटीच ती राहिली ॥

क्षणभंगूर भूक भागवण्या
देह तिचा ओरबाडला
निष्ठूरतेचा कळस गाठून
फासला काळीमा माणुसकीला ॥

जगत्‌जननी- जगन्माता
पूजता तिला येता जाता
दांभिकतेचा आव आणून
का रे तिचे लचके तोडता ॥

नको योजना नको धन
अभय हवे जगण्यासाठी
स्वच्छंदपणे मोकळा श्वास
उंच भरारी घेण्यासाठी ॥

सरला टाले राळेगाव यवतमाळ
===========

0 4 8 2 9 0