0
4
8
2
8
4
पाईक संविधानाचे
दिले मूलभूत हक्काधिकार
उपकार आहेत बा’भीमाचे,
जतन करावे संविधानाला
होऊन पाईक संविधानाचे…
पशुतुल्य जीवन जगतांना
सोसिले कैक दुःख यातना,
मानवतेचा पाया रचला तो
जाणून संविधान लिहिताना…
अथक परिश्रमाने लिहिलंय
संविधान माझ्या बा’भीमाने,
लोकशाहीची जपणूक करा
पाईक संविधानाचे जोमाने…
२६ नोव्हेंबर १९४९ रोजी
संविधान अर्पिले भारताला,
एक मताचा अधिकार दिला
सारखाच देशाच्या जनलेला…
सर्व सामान्य माणूस जातोय
सर्वोच्च पदी नियुक्ती होऊन,
समता,स्वातंत्र्य,न्याय,बंधुता
दिले हक्क संविधान लिहून…
जागे व्हा रे संघटित होऊन
करण्या जागर संविधानाचा,
पाईक संविधानाचे सर्वजण
धागा पकडून लोकशाहीचा…
बी एस गायकवाड
पालम,परभणी
0
4
8
2
8
4
