उताणा रे…!

उताणा रे…!

इजरायलला केला बाप रे,
आणि भारताला केली माय रे…
कसा आहे हा प्रधान सेवक,
साऱ्या विश्वात होते थू थू हाय रे…१

नाही मनाची तर जनाची काही,
बाळगत जावी शरम लाज रे…
देशास बदनामी चक्री लोटून,
मिटवू नये आपुली गुप्त खाज रे…२

ठेवले तेवढे पुरे झालेत,
देशाला परदेशी गहाण रे…
स्वतःच्या वाचवाया जीवाला,
का करता भारतास लहान रे…३

सत्तेच्या माजाचा कायम नसे,
संपेल कधीतरी हा विसावा रे…
आज जो उजवा आहे तोचि,
उद्या असणार नाही का डावा रे…४

नको अहंकार नको मत्सर,
देशहितास सर्वश्रेष्ठ माना रे…
‘सुधाकरा’ रावणाचाही अहं,
बघितला का पडला उताणा रे…५

सुधाकर भगवानजी भुरके
आर्य नगर , नागपूर
==========

0 5 1 7 9 6