0
4
8
2
9
0
अवदसा
अफाट,वाढली लोकसंख्या
खेडेगावे पडली ओस,
लोंढेच्या लोंढे,जाती शहरात
वांज झाली,गावांची कूस…!!१!!
तिथं,डोक्यावर छत मिळेना
रहायला झोपडी मिळेना,
शोधूनही हाताला कामं मिळेना
कणअन्नाचा, पोटाला मिळेना…!!२!!
सुखाची झोप उडाली
भरले कुटुंब उघड्या वर आली,
जमीन जुमला तो हीं, विकला
अशी कशी?मला अवदसा सुचली..!!३!!
रात्रपाळी, दिवस पाळी करून
आगगाडीच्या तालावर धावायंच,
मरण झाले,स्वस्त प्रवास करताना
धक्काबुक्कीत पडून मरायचं…!!४!!
मुंबई पुण्याच्या नादापाई
नको गमवू,गड्या अनमोल देह,
जप आपलं गाव,आपली माणसं
सुखादुःखाला, धावेल समूह..!!५!!
मायादेवी गायकवाड ठोकळ
मानवत,जि.परभणी
0
4
8
2
9
0
