0
4
8
2
8
7
योगायोग
घडणे बिघडणे सर्वस्वी
आपल्याच हाती असते
कोणाचीही साथ संगत
केवळ योगायोगच ठरते… //
कर्दमी उगवूनही कमळ
स्वतःचे पावित्र्य जपते
लांडोरांच्या मेळ्यातूनही
ना मोराचे अस्तित्व लपते… //
कावळ्याच्या घरट्यातच
कोकिळ जरी जन्म घेते
काव काव कधी न करता
कुहू कुहू अशीच ताण देते… //
पांढरा शुभ्र असला तरी
बगळा हंस होत नसतो
गरूड गगन कवेत घेतो
घुबडांचा घुत्कारच असतो… //
अनपेक्षित योगायोगाने
असंगाशीही गाठ पडते
त्याच्यासह वाहवत गेलो
तरच मात्र विपरीत घडते… //
विष्णू संकपाळ बजाजनगर
छ. संभाजीनगर
0
4
8
2
8
7
