0
4
8
2
9
0
आठवणींच्या वहीत
आठवणींच्या वहीत होती
काही पाने चुरगळलेली
आठवणी ताज्याच होत्या
संवेदना होती मरगळलेली
आठवणींच्या वहीत होती
स्वप्ने बाळगलेली उराशी
इच्छा होत्या कुस्करलेल्या
अन् वेदनांच्या कैक राशी
आठवणींच्या वहीत होता
माझा लढवय्या बाणा
संकटांशी सामना करूनही
नाहीच मोडलेला कणा
आठवणींच्या वहीत होती
चित्रे सुखासीन आयुष्याची
आनंदानेच जगण्यासाठी
स्वप्ने यशस्वी भविप्याची
आठवणींच्या वहीत होता
फक्त ध्येयाचा ध्यास
अपुर्ण राहिलेल्या अपेक्षा
तरी उदंड आत्मविश्वास
पांडुरंग एकनाथ घोलप
ता.जुन्नर, जि.पुणे
0
4
8
2
9
0
