0
4
8
2
9
4
मन पाऊस पाऊस
मन कविता कविता
लागली शब्दांना धार
बरसती धारा अन्
मन माझे गार गार
कुठे कडकली वीज
मन दचकून जागे
कडकडत्या आवाजात
मन जुळवी धागे
उभा परिसर न्हाला
शब्द शब्दात भिजला
कण कण हा वेड्या
मना मनातच विझला
भाव उधळीत चौफेर
दाही दिशा सरसावल्या
मनातील कोंबाचे कोंब
कोत्या मनात विझल्या
उंच आकाशी जड
ढगा ढगांची ही घाई
भिजवण्या तन मन
आसुसली काळी आई
मन मोकळे मोकळे
धावे मोकाट पाण्यात
समजेना थांबवू कसे
वैरी रात्रींच्या कवेत
शर्मिला देशमुख -घुमरे
ता.केज जि.बीड
========
0
4
8
2
9
4
