0
4
8
2
9
3
देवकृपेचे शब्द
त्याच्याच कृपेने मी लिहिले,
त्यालाच मी हे अर्पण करतो,
शब्दांची जादूगरी तोच,
माझ्या लेखणीतून उमलवत जातो.
शब्द आपसूकच येती,
कवितेचे प्रवाह बनती,
कधी हृदयात घाव घाली,
कधी डोळ्यांतून ओघळती.
कधी प्रेरणा देत उठवती,
कधी शांततेत लीन करवती,
कधी हसू तर कधी रडवती,
मनाचा प्रत्येक ठाव सांगवती.
‘राजसा’ म्हणे वाचावेत हे शब्द,
मनाशी धरावे जपून,
शब्दांच्या सामर्थ्यातच दडलेले
देवाचे अस्तित्व परिपूर्ण .
डॉ. राजेश चंद्रकांत काळे ‘राजस’
ता. जिल्हा नागपूर
========
0
4
8
2
9
3
