ई-पेपरकवितानागपूरनांदेडमराठवाडामहाराष्ट्रसाहित्यगंध
महाराष्ट्र माझा
बळवंत शेषेराव डावकरे मुखेड जिल्हा नांदेड
0
5
5
8
5
8
महाराष्ट्र माझा
महाराष्ट्र माझा अभिमानाचा
शिवबांच्या वीर पराक्रमाचा
सह्याद्रीच्या दऱ्याखोऱ्यांचा
वारसा नांदतो संतपरंपरेचा
महाराष्ट्र माझा संस्कृतीचा
अठरापगड जातीधर्माचा
नानातऱ्हेच्या सणावारांचा
पेरतो संदेश एकात्मतेचा
महाराष्ट्र माझा बहुमानाचा
नारीशक्तीच्या कर्तृत्ववाचा
क्रांतीज्योती सावित्रीबाईचा
अहिल्याबाईच्या वीरतेचा
महाराष्ट्र माझा लेखणीचा
भीमरायांच्या संविधानाचा
क्रांतीच्या ज्योतीरावांचा
अण्णाभाऊंच्या पोवाड्यांचा
महाराष्ट्र माझा कृषकांचा
अन्नदात्या बळीराजाचा
सीमेवरच्या वीर जवानांचा
पिढी घडवणाऱ्या गुरुजनांचा
बळवंत शेषेराव डावकरे
मुखेड जिल्हा नांदेड
========
0
5
5
8
5
8
