0
6
2
8
1
4
चिमणीताई
चिमणीताई, चिमणीताई
गवत घेऊन तोंडात विणते भरभर..
उंच झाडावर लोबंणारे तुझे घरटे
दिसते गं किती किती सुंदर..
चिमणी ताई , चिमणी ताई
तुझ्या घरट्यात किती खोल्या..
जोराचा पाऊस आल्यावर सांग
त्या होत नाही का गं ओल्या…
चिमणी ताई ,चिमणी ताई
तुझी पिल्लं किती गोंडस नी गोड..
तु दिवसभर भरवते त्यांना तरी
थांबतच नाही त्यांची ओरडाओरड…
चिमणी ताई , चिमणी ताई
तुझ्यासाठी ठेवला दाणा पाणी..
दाणा खा पाणी पी आणि म्हणं
चू चू करतं छान छान गाणी…
चिमणी ताई, चिमणी ताई
तुझ्यासारखीच घेईन मी उंच भरारी…
खोट्या पंखांच्या विमानात बसून
जेंव्हा करेन मस्त आकाशाची वारी…
मृदुला कांबळे
गोरेगांव, जि.रायगड
0
6
2
8
1
4
