एसबीआय अलीबाग शाखेचा प्रशंसनीय सीएसआर उपक्रम
तुषार थळे, प्रतिनिधी अलिबाग
एसबीआय अलीबाग शाखेचा प्रशंसनीय सीएसआर उपक्रम
तुषार थळे, प्रतिनिधी अलिबाग
अलीबाग (रायगड):(दि १०) : आज एसबीआय अलीबाग शाखेच्या वतीने एक आदर्श CSR उपक्रम राबवण्यात आला, ज्यामध्ये समाजाच्या उन्नतीसाठी महत्त्वपूर्ण पावले उचलण्यात आली. सौ. सलीला पांडे मॅडम (मुख्य महाव्यवस्थापक, मुंबई), श्री. ओंकार नाथ चौधरी सर (महाव्यवस्थापक, नेटवर्क-I, मुंबई मेट्रो), श्री. नवीन मिश्रा सर (उपमहाव्यवस्थापक, एओ-ईस्ट मुंबई) यांच्या मार्गदर्शनाखाली तसेच श्री. विलास शिंदे सर (प्रादेशिक व्यवस्थापक) आणि श्री. आनंद बिरहाडे सर (मुख्य व्यवस्थापक, अलीबाग शाखा) यांच्या नेतृत्वाखाली हा उपक्रम यशस्वीपणे पार पडला.
गव्हर्नमेंट मेडिकल कॉलेज, अलीबाग यांना वैद्यकीय सेवांमध्ये सुधारणा व समुदायासाठी महत्त्वपूर्ण सेवा पुरवण्यासाठी मिनी बस प्रदान करण्यात आली. या बसच्या किल्ल्या डॉ. पूर्वा पाटील, डीन, गव्हर्नमेंट मेडिकल कॉलेज यांना सोपवण्यात आल्या.
शिक्षणाला प्रोत्साहन देण्यासाठी आणि विद्यार्थिनींच्या दैनंदिन जीवनात सुविधा उपलब्ध करून देण्यासाठी रायगड जिल्हा परिषद शाळांतील ५० विद्यार्थिनींना सायकलींचे वितरण करण्यात आले. या उपक्रमाने मुलींच्या शिक्षणासाठी नवी दिशा दिली आहे.
कार्यक्रमात श्री. संजय गोळे (जिल्हा समन्वयक), श्री. विनोद कालोटिया (उपव्यवस्थापक, अलीबाग), श्री. समीर कुमार (मुख्य व्यवस्थापक, अलीबाग) आणि प्रकाश तांबे (कृषी अधिकारी, आरबीओ, पेन) यांनी आपली उपस्थिती नोंदवली.
एसबीआय समाजाच्या विकासासाठी आणि उज्ज्वल भविष्यासाठी सतत कटीबद्ध आहे. ‘एसबीआय’ – सामर्थ्य समुदायाचे, जीवन समृद्धीचे!
