0
6
2
9
0
4
तप पूर्ण झाले
दुःखाचे तप पूर्ण झाले
वळून मागे मी पाहताना
किती उन्हाळे पावसाळे
संपले संघर्ष सोसताना …!!
आता थांबले क्षणभर मी
नव्या वळणावरती आज
जुने सारे विसरून आता
नवी पहाट हर्षाचा साज..!!
दुःखांना निरोप देते मी
पुन्हा पुन्हा जोडूनी हात
होते रक्तात धैर्य नि संयम
म्हणून करता आली मात…!!
दाखवले सारे मुखवटे मला
आभार दुःखाचे मानू किती
आनंदाचे स्वागत करताना
येतील जवळ खोटी नाती…!!
दुःख नको देवा कोणाला
आनंदाची घराघरात लाट
राहो हसरा विश्व परिवार
रोज उगावी हर्षाची पहाट..!!
राजश्री मिसाळ ढाकणे
ता. जि.बीड
=======
0
6
2
9
0
4
