0
4
8
2
9
0
दुःख एक यातना
दुःख एक यातना
सोसाव्या किती वेदना
चांगुलपणाच्या माथ्यावरही
किती ही अवहेलना ||१||
चांगले करू पाहतो
घडते अघटित काही
प्रयत्नांनाही आता
यशाचे दार नाही ||२||
केला किती अट्टाहास
अथक होता प्रयास
ठाऊक होते मजला
लाभते न विना सायास ||३||
कष्टास ना कंटाळलो
झाल्या जरी यातना
दाबल्या अनंत उरी
झाल्या जरी वेदना ||४||
हे दुःख आहे क्षणिक
म्हणून लढत राहिलो
रक्ताळल्या भावनांचा
उपहास मी साहिलो ||५||
मार्गावर पुढेच असेल
आनंदाचे विश्रामधाम
रखरखीत उन्हातही मी
नाही केला आराम||६||
पांडुरंग एकनाथ घोलप
मु.पो.रोहोकडी,
ता.जुन्नर ,जि.पुणे
0
4
8
2
9
0
