0
4
8
2
9
3
शब्दांची कच्चे
शब्दांचे कच्चे नि शब्दांचे लुच्चे,
मतलबी माणसे बघितले…
हिशोबाच्या त्या प्रसंग समयी,
हात झटकून ते परतले…१
नसे ठाम ते त्या दिल्या शब्दाला,
शब्दांमध्ये तयांच्या राम नसे …
स्वार्थापुरत्या व्यवहारामध्ये,
स्वार्था पुरता आराम असे…२
बघितले जे नव्हते कधी मी,
बघायला जवळून मिळाले…
स्वार्थापुढे माणुसकीचे शब्द,
प्रसंगी येऊ लागले निराळे…३
जमले नाहीत कधी वागणे,
स्वार्थीपणात जगणे ठगणे…
येती अनुभव क्षणाक्षणाला,
बघवत नाही ऐसे बघणे…४
केवळ जगणे जगण्यासाठी,
यालाच जगणे का म्हणायचे?…
स्वतः साठी सारेच जगतात,
दुजा साठी का नाही जगायचे?…५
बघितले मी जवळून कुणा,
ठोक नसे केवळ असे खुर्दा…
‘सुधाकरा’ प्रामाणिकपणाचा,
बघितला पडतांनी मुडदा…६
सुधाकर भगवानजी भुरके
आर्य नगर नागपूर
0
4
8
2
9
3
