0
4
8
2
8
4
काळा दिवस
बालपणापासून संघर्ष केला
सोसिला अन्याय जातीभेद
त्याविरुद्ध लढून मंथन केला
जातीधर्माच्या भिंती तोडून गेला ||१||
शिका, संघटित व्हा,संघर्ष करा
आम्हाला शिकवण देवुनी गेला
दीपस्तंभ होऊनी आमचा
माणुसकी शिकवुन गेला ||२||
सर्व भारतीयांना समानता न्याय,
मतदान, अधिकार, बंधुता
बौद्धिक लेखणीच्या जोरावर
सुंदर संविधान देवुनी गेला ||३||
नाही श्रीमंतीची केली आस
परिश्रमाची फुलविली बाग
निधड्या मनाचा सिंह होऊन गेला
या युगंधराने इतिहास घडविला ||४||
मोजु कशी उंची तुझ्या कर्तृत्वाची
देव नसुनी देव होऊन गेला
कधी कुणी होणार नाही
असा महासागर होऊनी गेला ||५||
शून्य करणारा तो काळा दिवस
उजाडला 6 डिसेंबर 1956 साली
तो काळजातील हंस बघा बुडाला
विनम्र अभिवादन महामानवाला ||६||
कुसुमलता दिलीप वाकडे
दिघोरी रोड, नागपूर
0
4
8
2
8
4
