जाणीव हवी

जाणीव हवी

उन्हातान्हात राबणाऱा बाप
धावतो तुझ्या भविष्यापाठी
अनवाणी फिरतो रानोमाळ
तुज पायीच्या पादत्राणासाठी

सुटाबूटांसाठी सानुल्यांच्या
पहाटेच जुंपून घेतो कामाला
सोय नसते तव कपड्याची
ठिगळाचाच अंगरखा देहाला

दीन जरी परी असे स्वाभीमानी
ना वाकला ना झुकला लाचारीने
झगडला झुंजला परिस्थितीशी
उभा अजूनही तसाच ताठ मानेने

कर्तव्य बापाचे सारे निभावतो
ढेकळातले ओरखडे अंगावरती
जाणीव हवी तुज जबाबदारीची
तळपायालाही काटेकुटे टोचती

चंदनापरी झिजवली त्याने काया
आयुष्याची बाळा केली माती
कर्तृत्वाचा तुझ्या वाजव डंका
उतारवयात मिळू दे सुखशांती

बळवंत शेषेराव डावकरे
मुखेड जिल्हा नांदेड
=======

0 4 8 2 9 0