गगनभरारी
स्वप्न उराशी बाळगून ध्येयवेडे होऊन
प्रत्यक्षात साकारायची आहेत सारी
त्यासाठी आकाशात उंच घ्यायची आहे भरारी //धृ//
येतील वादळे , रुततील काटे
भेटतील हुंदके ,उमाळे आणि उसासे
ध्येयाचा नंदादीप अखंड तेवत ठेवून
कर्तृत्वाचा प्रकाश पाडायची आहे तयारी
आकाशात….
स्वीकारलं की साकारता येतं
त्यासाठी सर्वस्व पणाला लावाव लागतं
आयुष्याचं कोडं उलगडत आणि सोडवत
स्वप्न पूर्ण करण्यातच कसोटी आहे खरी
आकाशात….
उंच उडायचंय गगनी गरुड पक्ष्यासारखं
लक्ष केंद्रित करायचंय एकलव्यासारखं
तोडून सारे पाश.. एकेक पायरी चढत
यशोशिखर गाठण्याची मज्जाच आहे न्यारी
आकाशात…
चालता पुढे डोकावून पाहतो भूतकाळ
पण भविष्यात येणार सुखाची सकाळ
सोन पावलांनी आनंद उधळीत येतील
नि चिंब करतील सुखाच्या सरी
आकाशात…
मिटवायला काळजावरचे घाव
आता होणार सुखाचा वर्षाव
आता मीच सूर, मीच गळा
मीच आभाळ, मीच पक्षी
जुळतील जीवनाची समीकरणं सारी
स्नेहल संजय काळे
फलटण सातारा
