ये रे श्रावणा
ये रे श्रावणा ये रे श्रावणा
हिरवळीवर नाच रे घना||धृ||
वसुधेने नेसला हिरवा शालू
लपत छपत नाचतो भानू
मध्येच वर्षा सिरवे शिंपी
गवत पानावर बिंदूमोती||१||
भुमातेची नवी नवलाई
वाटे घरात नवी सुनबाई
नवा संसार नवा घरदार
शिवारतलं पीक वारा खाई||२||
भोळा सांभाचे उपवास दिस
बेल फुलांचा पुजन मास
सणासुदीचे दिवस व्यस्त
आयाबहीणी नटतात मस्त||३||
संभूदेवाच्या गळ्यात शोभे
शेतातील पिकांना राखे
नागवंशीचा इतिहास सांगे
नागपंचमीचा सण डोले||४||
बहीण भावाचं पवित्र नातं
रक्षाबंधन महत्व सणाचं
दही हंडी फोडण्या गोपाला
श्रीकृष्ण जयंती सण आला||५||
सण आला बैलपोळ्याचा
चिखलात राबणारे बैलांचा
पुजा करून बा तयाची
परतफेड करू उपकाराची||६||
श्रावणमास हर्ष मनास
सणांचा घेऊन हर्ष उल्हास
म्हणून रंजना बोलवे तुला
ये रे श्रावणा,ये रे श्रावणा|७||
रंजना राहुल ब्राह्मणकर
अर्जुनी/मो. जि.गोंदिया
