आरोग्य व शिक्षणई-पेपरकवितानागपूरबीडमराठवाडासाहित्यगंध
होकार देऊन पहा
0
4
8
2
8
6
होकार देऊन पहा
होकार नका देऊ हो फक्त
प्रियकर आणि प्रेयसीला
होकार देऊन पहा एकदा
वृद्ध थकल्या मायबापाला…
ही सुंदर सृष्टी ज्यांच्यामुळे
बघावयास तुम्हा मिळाली
त्यांनी प्रेम माया नि ममता
तुमच्यावरून ओवाळीली…
त्यांनी उपास तापास काढून
तुम्हाला घातले हो पोटभर
तुमचे पोट भरले की दोघेही
झोपले पाणी पिऊन घोटभर…
फाटके तुटके नि ठिगळाचे
वापरले हो दोघांनीही कपडे
तुम्हाला नवा ड्रेस घेण्यासाठी
पै पै साठवायचे दोघे बापडे…
नकोत त्यांना चंद्र नि तारे
फक्त त्यांना समाधान हवे
गाडी बंगला नि सोने नको
नातवंडे सभोवती खेळावे…
राजश्री मिसाळ ढाकणे बीड
0
4
8
2
8
6
