फुशारकी बळवंत शेषेराव डावकरे मुखेड जिल्हा नांदेड

फुशारकी

कर्तृत्वाचा नाही थांगपत्ता
फुशारकी मात्र गगनभेदी
गाडीखालच्या श्वानासारखी
बिनकामाची अशीच प्यादी

बोलाचा भात नि कढी बोलाची
प्रत्यक्षात कामाचा नसे थांगपत्ता
दुसऱ्यांकडूनच होती कामे
लबाडांचा ‘मी’पणाचा कित्ता

असावे बंधन फुशारकीला
नको व्हायला चारचौघात हसे
समजू नये येडेगबाळे जनांना
स्वतःच स्वतःच्या बोलात फसे

प्रसिद्धीच्या हव्यासापोटी
नको नको ते उद्योग करशी
मोजून आठ हात लाकडाच्या
नऊ हात ढलप्या का काढशी

ओळखून घे स्वतःला माणसा
स्वरुप पाहून ठेव जरा वर्तन
चाल सत्याची ती पाऊलवाट
आतून तमाशा नको वरुन कीर्तन

बळवंत शेषेराव डावकरे
मुखेड जिल्हा नांदेड
========

0 4 8 2 8 6