0
4
8
2
8
4
आत्मजागृती
आधी स्वतः अनुभवावे
मगच इतराशी सांगावे
स्वानुभव हेच खरे प्रमाण
सदा सर्वदा सत्य मानावे.. //
आपण कोरडे पाषाण
लोकास सांगे ब्रम्हज्ञान
होतोय अशा लोकांचा
चारचौघात अपमान.. //
स्वयंघोषित पांडित्य
कधीतरी फोल ठरते
वाचाळवीर म्हणून घेणे
इतकेच हातात उरते… //
यासाठीच आत्मजागृती
करेल स्वतःला परिपूर्ण
स्वत्वशील आचार विचार
आदर्श बनावे व्यक्तिमत्व.. //
अधिकारवाणीने बोलावे
इतके व्हावे स्वयंसिद्ध
जरूर जमतील ऐकणारे
मात्र तत्त्वाशी हवे कटिबद्ध… //
विष्णू संकपाळ
बजाजनगर छ. संभाजीनगर
========
0
4
8
2
8
4
