0
4
8
2
9
4
माणुसकीची पेरणी
चला करू या आपण सारे
इथे माणुसकीची पेरणी
होतील सारे आनंदी जन
सुखी आयुष्याची कहाणी
माणुसकीच्या नात्याचे
उधळू रंग आता नवे
होईल प्रेमाची बरसात
सुखाला आणखी काय हवे
माणूसपण जपण्यातच आहे
खराखुरा चांगुलपणा
आपुलकीच्या स्पर्शाने होते
मायाममतेचा लडिवाळपणा
काय हवे जीवनात या
थोडा स्नेहाचा परिपोष
थोपवू शकेल माणुसकी
जीवाचा होणारा आक्रोश
म्हणून माणुसकीची पेरणी
करू या जीवनरूपी शेतात
जीवन जगू या आनंदाने
घेऊन आपले हात हातात
श्री.पांडुरंग एकनाथ घोलप
रोहोकडी,ता.जुन्नर, जि.पुणे
0
4
8
2
9
4
