0
4
8
2
8
4
आऊसाहेब
सिंदखेड क्षेत्री एक दिव्य
नारीरत्न जन्मास आले
तेच अवघ्या महाराष्ट्राचे
पुढे भाग्यरत्नच झाले. //
पराक्रमाचे रक्त जिच्या,
नसानसातून वहात होते
भविष्यवेधी नेत्र ही तिचे
स्वराज्य स्वप्न पहात होते..//
हिंदवी स्वराज्य निर्मितीचे
दूरदृष्टीने धोरण आखले
जुलमी मुघलांच्या रक्ताने
मग सह्याद्रीचे खोरे माखले.. //
कुतुबशाही आदिलशाही
हादरवली मुघलशाही
जागवली मराठी अस्मिता
राबवली येथे शिवशाही.. //
धन्य धन्य हो आऊसाहेब
महाराष्ट्राचे भाग्य लिहिले
पती, पुत्र, अन् नातू तुम्ही
इथे स्वराज्यास्तव वाहिले.. //
विष्णू संकपाळ
बजाजनगर छ. संभाजीनगर
0
4
8
2
8
4
