0
4
8
2
9
3
लेखणीच्या संगतीने
लेखणीच्या संगतीने
भाग्य माझे उजळले
शब्दांच्या या विश्वात
कवी मन माझे रंगले
भार झालासे हलका
आता माझ्या मनाचा
अर्थवाही लेखणीतून
शोध घेतो प्राक्तनाचा
लेखणी सोबती माझी
साकार केला विश्वास
जडला क्षणोक्षण आता
नवनिर्मितीचा हा ध्यास
बागडतो स्वच्छंद असा
मी सदा साहित्य प्रांती
प्रेरक ही लेखणी माझी
घडवते शब्दांनी क्रांती
लेखणीची संगत राहो
अभंग माझ्या जीवनी
वरदान लाभो ईश्वरा
अखंड नव संजीवनी
पांडुरंग एकनाथ घोलप
रोहोकडी, ता.जुन्नर, जि.पुणे
========
0
4
8
2
9
3
