0
4
8
2
9
4
सुखाची चव
कधीतरी नशीबाची नजर
आम्हावरही खिळावी
इतरांप्रमाणेच आम्हालाही
सुखाची चव मिळावी
आतापर्यंत जगत आलोत
अळणी अन् सपक जीवन
खमंग चमचमीत जेवणाप्रमाणेच
आम्हीही सुखाची मेजवानी गिळावी
इतरांच्या जशा होतात
आकांक्षा पूर्ण
आम्हालाही संपन्नतेची
गोडी कळावी
मनी अभिलाषा आहे
ऐहिक सुखांची
आमच्याकडेही समृध्दीची
कृपादृष्टी वळावी
असे ठाण मांडून बसले
हे दारिद्र्य अन् ही गरीबी
पण आता आमची अवस्थाही
वैभवाकडे वळावी
डाॅ.नझीर शेख
राहाता, जि. अहिल्यानगर
0
4
8
2
9
4
