सुखाच्या वाटा; सरला टाले

सुखाच्या वाटा

श्वासागणिक रुतवून घेतलात
बाबा तुम्ही काळजात काटा
शोषितांसाठी शोधून काढल्यात
निरंतर सुखाच्या वाटा ॥

समाज बांधवांसाठी
तुम्ही स्वप्न पाहिले
सत्ताधारक बनावे म्हणून
अर्धपोटी रात्रंदिन झटले ॥

शिकल्या सवरल्या लोकांनी
केला तुमचाच विश्वासघात
क्षणिक सुखाला बळी पडून
स्वप्नांवरच केला आघात ॥

एकटे लढलात तुम्ही अन्
मन पिळवटणारी संकटे झेललीत
आशा लावलीत ज्यांच्यावर
स्वार्थ बाजारात विकाऊ निघालीत ॥

जा आणि सांग त्यांना
शेवटचा तो आटापिटा
चळवळ कायम असू द्यावी
अन् शोधलेल्या सुखाच्या वाटा ॥

सरला टाले
राळेगाव यवतमाळ
=======

0 4 8 2 8 6