0
4
0
9
0
3
पराकाष्ठा
दे रे हरी पलंगावरी
मानव वृत्ती नसावी
प्रयत्नांची पराकाष्ठा
जिद्द चिकाटी असावी…!!
एवढीशी मुंगी देखील
शंभरवेळा खाली पडते
पराकाष्ठा करून शेवटी
उंच कठीण भिंत चढते…!!
काडी गवत जमवून
सुगरण खोपा विणते
पराकाष्ठा प्रयत्नांची
इवलीशी चोच करते…!!
जेवढा संघर्ष मोठा
जीत होईल शानदार
प्रयत्नांची पराकाष्ठा
जीवनात वसंत बहार…!!
जीवन काटेरी मार्गावर
खाचखळगे वळणघाट
प्रयत्नांची पराकाष्ठा
उगवेल स्वप्नपूर्ती पहाट..!!
राजश्री मिसाळ ढाकणे
जिल्हा बीड
0
4
0
9
0
3
