0
4
8
2
9
0
शान तिरंगा
भारत माझा देश, प्राण तिरंगा माझा।
निळ्या नभात या,शान तिरंगा माझा।।
तो केसरी पांढरा,रंगात हिरव्याही।
अशोकचक्राने,महान तिरंगा माझा।।
तारांगणे आलीय, कक्षेत भारताच्या।
सदा उंच फडके, मान तिरंगा माझा।।
अहिंसा दया शांती,शिकवण बुध्दाची।
अष्टांग पंचशील, गाण तिरंगा माझा।।
संविधान दिधले,भारता बा भीमाने।
नव्या युगाकरीता, ज्ञान तिरंगा माझा।।
हिंदू असो ख्रिश्चन,बौध्द शीख इस्लामी।
बहुजना सुखाया , दान तिरंगा माझा।।
तिरंगा स्वाभिमान , तिरंगा अभिमान।
तिरंगा आन बान,जाण तिरंगा माझा।।
शौर्य शांती सम्रुदी ,ब्रीद उरात आहे।
अंतरी राष्ट्रनिष्ठा ,भान तिरंगा माझा।।
गोवर्धन तेलंग
ता.पांढरकवडा
0
4
8
2
9
0
