औरंगजेबाची कबर राष्ट्रीय स्मारकाच्या व्याखेत बसत नाही; उच्च न्यायालयात याचिका
बिनधास्त न्यूज वृत्तसेवा
औरंगजेबाची कबर राष्ट्रीय स्मारकाच्या व्याखेत बसत नाही; उच्च न्यायालयात याचिका
बिनधास्त न्यूज वृत्तसेवा
मुंबई: मुघल सम्राट औरंगजेबाच्या कबरीचा वाद विकोपाला गेला असता, नागपूरमध्ये दोन गटात हाणामारी होऊन दंगल घडली. यास कारणीभूत हा कबरीचा वाद असल्याने कबर हटविण्याची मागणी सतत जोर धरू लागली असल्याने यावर ठोस निर्णय कधी लागेल याबाबत सध्यातरी कुणीही राजकारणी बोलत नाही. नागपुरात झालेली दंगल ही घडवून आणल्याच्या बातम्याही समाज माध्यमात पसरत आहे.
मुघल बाहशाह औरंगजेब याची खुलताबाद येथे असलेली कबर राष्ट्रीय स्मारकांच्या व्याख्येत बसत नाही. त्यामुळे ती हटवण्याचे आदेश भारतीय पुरातत्व विभागाला (एएसआय) द्यावेत, अशी मागणी करणारी याचिका उच्च न्यायालयात करण्यात आली आहे. या कबरीपासून पुढल्या पिढीने वारसा म्हणून काही घ्यावे किंवा शिकवण घेण्यासारखे काहीही नाही. त्यामुळे, या कबरीला ऐतिहासिक वारसा वास्तू किंवा राष्ट्रीय स्मारकांच्या यादीतून वगळण्यात यावे. अशी मागणीही याचिकेत करण्यात आली आहे. माहिती अधिकार कार्यकर्ते केतन तिरोडकर यांनी ही याचिका केली आहे.
