दृष्टिहीन जलतरणपटू ‘ईश्वरी पांडे’चा संघटनेकडून सत्कार
नागपूर शहर प्रतिनिधी
दृष्टिहीन जलतरणपटू ‘ईश्वरी पांडे’चा संघटनेकडून सत्कार
नागपूर शहर प्रतिनिधी
बिनधास्त न्यूज मिडीया
नागपूर : (दि १२) अथांग सागर, पावसाळी वातावरण, उसळणाऱ्या प्रचंड लाटा तसेच डॉल्फिन, शार्क व जेलिफिशसारख्या महाकाय समुद्री जीवांचा धैर्याने सामना करत नागपूरची दृष्टिहीन जलतरणपटू ईश्वरी पांडे हिने अतिशय कठीण समजली जाणारी तलाईमन्नार (श्रीलंका) ते धनुष्कोडी (भारत) ही २९ किलोमीटर अंतराची पाल्क सामुद्रधुनी यशस्वीरित्या पार केली.
हा भीमपराक्रम करणारी ती जगातील पहिली दृष्टिहीन जलतरणपटू ठरली आहे. ईश्वरी पांडेच्या या ऐतिहासिक यशाबद्दल तांत्रिक कामगार युनियन व तांत्रिक ॲप्रेंटिस कंत्राटी कामगार असोसिएशनच्या वतीने तिचा शाल, श्रीफळ व पुष्पगुच्छ देऊन सत्कार करण्यात आला. यावेळी तांत्रिक कामगार युनियनचे राज्य सचिव प्रकाश निकम, तांत्रिक ॲप्रेंटिस कंत्राटी कामगार असोसिएशनचे राज्य कार्याध्यक्ष विक्की कावळे तसेच रितीक वानखेडे उपस्थित होते. ईश्वरी पांडेच्या या अद्वितीय कामगिरीबद्दल सर्व स्तरातून तिच्यावर कौतुकाचा वर्षाव होत आहे.
