चंद्रावरचा ससा; शर्मिला देशमुख

चंद्रावरचा ससा

चंद्रावरचा ससा
पृथ्वीवर आला
हिरवळ पाहून इथली
इथेच रमला

लाल लाल गाजरे
आवडले त्याला
लुसलुशीत हराळी
म्हणे खेळायला चला

त्यांच्याकडे पाहून सारे
अचंबित झाले
कुठून आला हा
विचारू लागले

वाढत चालली गर्दी
पाहण्यास त्याला
त्याला काही समजेना
म्हणे काय झाले मला

अरे तुम्हाला सांगायचे
राहूनच गेले
मी आहे चंद्रावरचा
तुमचे घर आवडले

राहू का तुमच्यासंगे
सांगा चार दिवस
पाहून आनंद घेऊन
जातो मग वापस

आम्ही म्हणालो त्याला
आता रहा इथेच
चंद्रावरचा ससा आता
जाईना कधी कुठेच

कायमच राहिला
आता तो पृथ्वीवर
काने दोन उगवली
त्याच्या अँटीन्यावर

शर्मिला देशमुख,बीड

0 4 8 2 9 3