सेवादान

सेवादान

पुण्य पडावे पदरी म्हणून
की झाकण्यासाठी पाप
कोणी करिती अन्नदान
कोणी करिती द्रव्यदान
खरे पुण्य मिळते त्याला
जो करतो सेवादान … . . . .
लग्न , वाढदिवस , असो नामकरण
वास्तूशांती वा तेराव्याचे जेवण
भरल्या पोटास भरवण्यापेक्षा
रंजल्या – गांजल्यांसाठी करावे
स्वयंपाकाचे उघडे दालन … . .
म्हाताऱ्यांची करून सेवा
समाधान पहावे त्यांचे तेव्हा
रुग्णांस थोडा धीर द्यावा
गरिबांस थोडा हात द्यावा . . . .
राबणारा तो मजूरवर्ग
कष्टाने सजवितो घराचा स्वर्ग
माणूसकीने वागवून त्यांस
जीवनी धरावा सन्मार्ग … .
दिखाऊपणाच्या बाजारात
स्पर्धेच्या या झगमगाटात
मिळतील कित्येक पुरस्कार
पण … मनामनात मिळेल मान
मनापासून जेव्हा करू सेवादान … .

सरला टाले
राळेगाव यवतमाळ
========

0 4 8 3 0 0