कविताछत्रपती संभाजी नगरनागपूरमहाराष्ट्रविदर्भसाहित्यगंध
संतुष्टता विष्णू संकपाळ बजाजनगर छ. संभाजीनगर
0
4
8
2
9
3
संतुष्टता
उघड डोळे बघ नीट
नसे कुणी सर्व सुखी
तू मान थोडी संतुष्टता
नको होवू मित्रा दुःखी.. //
माझे दुःख खूप मोठे
हाच तुझा गैरसमज
तू कुणाहून तरी सुखी
कधी येईल ही उमज.. //
कुणी अंध कुणी अधू
इथे कुणी लुळे पांगळे
सुदृढ तुझे शरीर असे
हेच किती आहे चांगले.. //
जेथे हाव भौतिकतेची
तेथे हरवते मनःशांती
व्यर्थ उद्याच्या चिंतेत
सुकते अनमोल कांती…//
नाही त्याची खंत नको
आहे त्यातच समाधान
परिवर्तन नक्कीच होते
असू द्यावे याचेही भान.. //
- विष्णू संकपाळ बजाजनगर
छ. संभाजीनगर
======
0
4
8
2
9
3
