0
4
8
2
8
7
सदगुरू उज्वलानंद महाराज
मी म्हणालो बाबांना,
तुम्ही माझे आहात कोण ?
बाबा म्हणाले बाळा,
तू आणि मी नाही दोन.
मी म्हणालो जीवनाची,
वाट माझ्या असेल कशी ?
बाबा म्हणाले,भितोस कशाला,
मी आहे तुझ्या सोबत.
मी म्हणालो बाबांना,
सांगा तुम्ही कुठे असता ?
जाते माझी नजर जिथे,
तिथे तुम्हीच कसे दिसता ?
बाबा म्हणाले, मी वसतो,
भक्तांच्या हृदयापाशी,
कधीही रस्ता सोडू नकोस,
मी आहे तुझ्या सोबत.
मी म्हणालो, बाबांना माझा,
हात हाती घ्याल का ?
चुकलो मी जरी कधी,
साथ मला द्याल का ?
नामस्मरण करत राहा
मग चूक होईलच कशी ?
बाबा म्हणाले,चालत राहा,
मी आहे तुझ्यासोबत आहे.
कळली मला चूक माझी,
मी उगीच प्रश्न विचारलो,
या जीवनी, क्षणोक्षणी,
बाबा सामोरे दिसले,
मी तुझा, नी तू माझा,
बाबा मलाच सांगितले,
भितोस कशाला, क्षणोक्षणी
मी आहे तुझ्यासोबत.
डॉ ज्ञानेश्वर माशाळकर
ता उमरगा जिल्हा धाराशिव
0
4
8
2
8
7
