जीवन सुंदर आहे; पांडुरंग घोलप

जीवन सुंदर आहे

जीवन सुंदर आहे
ध्यानी असू द्यावे
सुरेल जीवनगाणे
नित्य गात रहावे

जीवन एकदाच आहे
आनंदाने ते जगावे
कार्य करावे असे काही
जे किर्तीरूपे उरावे

जीवन सुखदुःखाची वीण
तोल ढळू न द्यावा
ओठी असावे हसू
दुःखाचाही उत्सव व्हावा

सदा रहावे मग्न
आवडीच्या कामात
फूट पडू न द्यावी
आपल्या नित्यनेमात

आरोग्य जपावे आपले
आहार साजेसा घ्यावा
सुदृढ शरीर हवे तर
व्यायाम गरजेचा हवा

हृदयी प्रेम वसावे
नाती असावी हक्काची
सुखदुःखात कामी यावे
माणसे जोडावी प्रेमाची

जीवन सुंदर आहे
जगण्याचा उत्सव करावा
आयुष्यवेल बहरण्याचा
ध्यास मनी धरावा

पांडुरंग एकनाथ घोलप
मु.पो.रोहोकडी,
ता.जुन्नर जि.पुणे

0 4 8 2 9 0