0
4
8
2
4
7
ओवी
जन्म मायेच्या कुशीत
दारी तुळस कोवळी |
अंतरात झुळूक झोका
सांज खुलते सावळी ||
कुटुंबात आनंदाचे
रंग खुलविते लेक |
स्वातंत्र्य पेरताना
का गं विचार नसतो नेक ||
लेनं-देनं रिस्तेदारी
मुलगी परक्याचं धन |
ऐकुन भावना आजही
अस्सं थबकते मन ||
जीवनाच्या समरांगणी
उभे अस्तित्व कोरलं
तडजोड सुटली नाही
नारी जपते डोरलं ||
काटे बोचरे जीवनी
काळजात वाहे भळ
संसाराच्या सुखासाठी
मनी जपते हिरवळ ||
बाईपणाचं गं लेणं
सहजासहजी घडत नाही
वाटणीत सारे क्षण
तिच्यासाठी उरत नाही ||
आशा कोवे-गेडाम
वणी जि. यवतमाळ
==========
0
4
8
2
4
7
