0
4
8
2
9
0
सुखाचा मंत्र
सुखाचा मंत्र घेऊ ,दिधला बा भीमाने।
या गवसणी घालू ,सूर्यास शिक्षणाने।।
सुख म्हणजे काय,जीवनी ओळखारे ।
भ्रमिष्ट करणारे ,आहे माणसे दिवाणे।।
पैसा अडका काही, सुखास देत नाही।
कर्म करूनी थोर , जगावे आनंदाने।।
जात पात धर्माचे , गाऊ नका गोडवे।
स्वार्थाने केली आहे,व्यवस्था माणसाने।।
मानवता पाळूनी , जीवनी जगा सारे।
वागणे सांगितले , आता संविधानाने।।
आई वडील हेच , दैवत माणसाचे।
भक्तीला अर्थ नाही, दगड पुजनाने।।
जीवाला जीव लावू, दुःखात साथ देऊ।
जन्म दिला तुजला , म्हणून निसर्गाने।।
इथे अधोगतीचे , कारण हेच आहे।
लोचनी दृष्टी नाही , अजून विज्ञानाने।।
गोवर्धन तेलंग
पांढरकवडा, जि.यवतमाळ
0
4
8
2
9
0
