माणसातला देव
प्रकाश पुंडलिक गोधने
माणसातला देव
माणसा माणसा कसे कळेना तुला
कोरोनाने सर्व जगाला एक संदेश दिला,
संकटकाळी कुठलाच देव कुठेच धुवून नाही आला
प्रसंगी माणूसच माणसासाठी देव होऊन आला..!!१!!
नाशिवंत देह तुझा तू किती सजवलं त्याला
नश्वर ते जमवण्याचा आयुष्याभर अट्टहास केला
काल माझं माझं म्हणणारा माणूस
इथेच वैभव सारे सोडून गेला..!!२!!
जेंव्हा भाऊ बहिण पत्नी मुले
नातेवाईकांनीच शूद्र केले तुला,
जातीयता शिवाशिव काय असते
तेव्हा नक्कीच कळले असेल तुला…!!३!!
नवसाला पावनारा कोनताच देव
संकटात गाभाऱ्याच्या बाहेर नाही आला,
तू रस्त्यावर बेवारस तडफडताना
माणूसच तुला रुग्णालयात घेऊन गेला तुला…!!४!!
अति तिथे माती प्रचिती आली असेल तुला
सांगता येत नाही निसर्ग कधी कोणता घालीन घाला,
कुणाचीच भविष्यवाणी रोखू शकत नाही त्याला
अदृश्य किटानूने माणसातला माणूस जागा होता केला..!!५!!
प्रकाश पुंडलिक गोधने
बाचोटी ता. कंधार. जि. नांदेड
======
