सावली माझी

सावली माझी

सावली माझी ही मला ऊन्हात दिसते,
झळा सोस उन्हाच्या आवर्जून सांगते..

रखरखत्या उन्हात सोबतीला असते, 
एकाकीपणा कधीच भासू देत नसते..

कधी लांबसडक कधी आखूड दिसते,
चालतांना मात्र सदा मागे पुढेच राहते..

काळोखी रात्र, अंधार असे दाटलेला,
अदृश्य रूपात तिचा सहारा भेटलेला..

शितल चांदण्या राती सोबत प्रकटते,
दिवस हे बदलतात संदेश देऊन जाते..

सावली माझी सांगून जाई खूप काही,
तावून सुलाखून निघ पर्याय ना नाही..

खडतर प्रवास जिवनाचा जेंव्हा होतो,
त्यात ही वेगळाच आनंद देऊन जातो..

सावली माझी मला प्रेरणा देत असते,
आलेली वेळ जाईल ऊर्जादायी ठरते..

सावलीकडून ही शिकलो बरेच काही,
संकट समयी संगत सोडायची नाही..

सावली माझी मज प्रकाशदायी ठरते,
जीवन जगण्याचं सार शिकवून जाते..

बी एस गायकवाड
ता.पालम,जि.परभणी

0 4 8 2 9 0