धर्म शिक्षितांना रोजगार
धर्म वाचवायला देतसे,बाँब दगड नि तलवार…
कुटुंब वाचवाया देईना,धर्म शिक्षितांना रोजगार…धृ
झेंडे पकडाया हवे त्यांना,दमडीत विकणारे हात…
दंगा मोर्चामध्ये अविरत, घडवून आणावया घात…
ह्या सर्व कामांसाठी ठेवती,बनवूनिया बेरोजगार…१
कुटुंब वाचवाया देईना,धर्म शिक्षितांना रोजगार…
दरबारी सिंहासनी वसे, राजकारणी आणि पुढारी…
सत्तेसाठी हपापलेले हे,करी प्रजा मताशी गद्दारी…
बनती मूर्ख जनता भोळी, नेते बनती समजदार…२
कुटुंब वाचवाया देईना, धर्म शिक्षितांना रोजगार…
आलेत कैक गेलेत कैक ,मांडूनी आमिषाचा बाजार…
लालचेचा सापळा रचून, निव्वळ खोटारडा प्रचार…
आमिषाला बळी पडतात,ते भोळे भाबडे मतदार…३
कुटुंब वाचवाया देईना,धर्म शिक्षितांना रोजगार…
जनता झाली महागाईने,जगण्यास बेहाल बेजार…
मस्तीत चूर भरती झोळी, करी स्वार्थाचाच व्यवहार…
“सुधाकरा” आंधळी बहिरी,झाली मस्तावली सरकार…४
कुटुंब वाचवाया देईना, धर्म शिक्षितांना रोजगार…
सुधाकर भगवानजी भुरके
आर्य नगर,नागपूर
