कुलाबा जीवन गौरव राज्यस्तरीय पुरस्काराबाबत बळवंत वालेकर यांचा सन्मान
तुषार थळे, प्रतिनिधी अलिबाग
कुलाबा जीवन गौरव राज्यस्तरीय पुरस्काराबाबत बळवंत वालेकर यांचा सन्मान
तुषार थळे, प्रतिनिधी अलिबाग
अलिबाग ( दि १३ जाने): ज्येष्ठ पत्रकार बळवंत वालेकर यांना माजी आमदार स्व. मधूशेट ठाकूर चॕरिटेबल ट्रस्ट व आमदार । भाई जगताप मित्रमँडळ रायगड यांच्या विद्यमाने कुलाबा जीवन गौरव या राज्यस्तरीय पुरस्काराने सन्मानित केले आहे. त्याबाबत त्यांचा छोटेखानी सत्कार त्यांच्या निवासस्थानी यादव गौळी समाजाच्या शिक्षण समितीचे अध्यक्ष व नागोठणे ग्राम पंचायतीचे माजी सरपंच विलास चौलकर यांनी श्रीफळ व बुके देऊन केला.
यावैळी छोटेखानी भाषणात श्री . चौलकर म्हणाले ” वालेकर सर सामाजिक व शैक्षणिक क्षेत्रात ६० वर्षे कार्यरत आहेत . त्यांनी अनेक सामाजिक व शैक्षणिक कामे केली आहेत. जिल्हा पासपोर्ट कार्यालय , जिल्हा कामगार न्यायालय , जिल्हा दूरसंचार कार्यालय त्यांच्या प्रयत्नामुळे जिल्ह्यात आले. सागरगड – माची येथील आदिवासींच्या भोतिक सुविधांसाठी ही ते अनेक वर्षे झगडले व शासनाकडून १० एकर जमीन मिळविण्यात यशस्वी झाले. त्यामुळे ते अनेक पुरस्कारांनी सन्मानित झाले आहेत. कुलाबा जीवन गौरव हा त्यापैकी एक पुरस्कार आहे . वयाची ८२ वर्षे उलटूनही ते कार्यरत आहेत .ते शतायु व्हावेत ही भगवान श्री कृषष्णचरणी प्रार्थना.
