काय असतं असं मैत्रीणींमध्ये?; कुसुमलता वाकडे

काय असतं असं मैत्रिणींमध्ये ?

तप्त उन्हात गारवा असतात मैत्रिण
झाडाची सावली असतात मैत्रिणी
कौतुकाची थाप असतात मैत्रिणी

समुद्राच्या लाटा असतात मैत्रिणी
करमुणकीचा विरंगुळा असतात
आनंदाचा घर असतात मैत्रिणी

सुखाची छाया असतात मैत्रिणी
ऊर्जेचे स्त्रोत असतात मैत्रिणी
हसणं खिदळणं असतात मैत्रिणी

रुसवा फुगवा असतात मैत्रिणी
सर्वचं तिला सांगावे अश्या मैत्रिणी
धावून येणारी साथ असतात मैत्री

अंतरीची हाक असतात मैत्रिणी
आपुलकीचा ओलावा असतात
सुखदुःखात साथ असतात मैत्रिण

काय नसतं हे विचारा मैत्रिणीमध्ये
मैत्री म्हणजेचं एक हळुवार फुंकर
प्रत्येकाच्या जीवनात हवी मैत्रिण

कुसुमलता दिलीप वाकडे, नागपूर
==============

0 4 0 9 0 3