शब्दाच्या सागरातील मोती

शब्दाच्या सागरातील मोती

शब्दा सागरातील मोती
अलगद उचलत गेले
गुंफली माळ तयांची छान
काव्य त्याचे सुंदर झाले ||१||

एक एक मोती अनमोल
अर्थ तयांचा फार सुंदर
काळजाला भिडला कायम
सुर तो घुमला सभोवार||२||

भावना गुंतल्या मोत्यांमध्ये
प्रीत जडली कवितेवर
काव्य स्फुरले हृदयातून
मोहक होतो शब्दसागर ||३||

मन झाले दिलखुलास
सुखदुःखांची माळ विणली
आनंदाला येती उसळणं
मनोहर रचना ओवली ||४||

शब्द सागरातले मोती
नित्य नवचेतना मिळते
देती जगण्याचे नवे बळ
जीवन गाणे फुलत जाते ||५||

गौरी संतोष नेर्लेकर
ता.नेवासा,जि.अहिल्यानगर
=========

0 4 8 2 9 0