बाप

बाप

बाप घराचा खरा नायक
दिनरात राब राबतो शिवारी
फाटक्या वाहना घाली पायी
लेकरासाठी घेतो नवा भारी

बापाची माया लपली उरात
अश्रू न दाखवी कधी डोळ्यात
हृदयात एकच सपान जपतो
पोराचा आयुष्य कसे जाई सुखात

माय माझी रेशमी तलम शाल
बाप बनतो समशेरीची ढाल
खस्ता खाऊनी पोसतो पोरबाळ
घरदार नांदते सारेच खुशाल

बाळ घसरून खाली पडले
वेदना होतात बापाच्या उरात
हृदय त्याचे येई भरून
तळहातावरच्या फोडावाणी जपत

पिकलं पान कधी गळून पडेल
काय भरोसा सांगू शकेन कोणी
अवहेलना नका करू जन्मदात्याची
दुनिया दाविली तुम्हास जयांनी

कुसुम पाटील
कसबा बावडा कोल्हापूर

0 4 8 2 9 0