ठगबाजी

ठगबाजी

येथे भुकेल्याने चोरी केली
तर ते सर्रास घोर पाप आहे
माजलेल्यांच्या लबाडीला
सांगा कोणते माप आहे…? //

नेत्यांच्या अतिक्रमणावर
नियमितपणाची छाप आहे
मात्र गरीबांच्या झोपड्यांना
पद्धतशीरपणे चाप आहे… //

येथे निष्ठावान एकलव्याच्या
अंगठ्यालाच काप आहे
मात्र दर्जाहिनांच्या पाठीवर
कौतुकाची थाप आहे… //

कष्टकऱ्यांच्या वाट्याला
येथे अहोरात धाप आहे
मनमानी सत्ताधाऱ्यांचा
सांगा कोण बाप आहे… //

सर्वसामान्यांच्या जीण्याला
असा ठगबाजीचा शाप आहे
अन् लाचखोरी बेईमानीचा
जेथे जावे तेथे ताप आहे…. //

विष्णू संकपाळ
बजाजनगर औरंगाबाद
=========

0 4 8 2 9 7