काळीमा माणूसकीला

काळीमा माणूसकीला

मानव होतोय दानव

ना उरे सीमा विकृतीला

राजरोसपणे फासतोय

काळीमा माणूसकीला… //

कसे म्हणावे बुद्धीजिवी

निर्घृणतेचा केला कळस

लोप पावले माणूसपण

पशूंनांही वाटेल किळस.. //

सारासार विवेक संयम

सांग कुठे गहाण पडला

वासनांधता जागी झाली

अन् अक्षम्य गुन्हा घडला.. //

तुझ्या क्रौर्याच्या निषेधार्थ

मेणबत्त्या जाळल्या खूप

मात्र अजून परस्रीत तुला

दिसेना मातृ भगिणी रूप… //

संधी मिळताच जमवतो

तू लिंगपिसाट गोतावळा

लांडग्यासारखे तुटून पडता

हरणीचा घोटण्यास गळा… //

यात नारी जाते जीवानिशी

तिच्या अब्रूचा होवून कचरा

तारीख पे तारीख न्यायासाठी

मायबापाच्या कोर्टात चकरा… //

विष्णू संकपाळ बजाजनगर छ. संभाजीनगर
===================

0 4 8 2 9 0