दलितांचा राजा

दलितांचा राजा

रामजी भीमाईच्या पोटी
निपजला दलितांचा राजा
केला कोटी कुळांचा उद्धार
लाखात एक भीमराव माझा

कैक पिढ्यांची गुलामगिरी
साखळदंडात जखडलेली
करु दहन त्या मनुस्मृतीचे
मुक्या जीवास वाणी दिली

बा भीमा तुमच्या मर्दुमकीने
तुटल्या जातिभेदाच्या भींती
मुडद्यासम माणसांना तुम्ही
दिलीत जगण्याची हो शक्ती

अस्पृश्याचा कलंक पुसुनी
शिकण्या संघर्षाचा दिला नारा
दीनदलीतांच्या ह्रदयगाभाऱ्यात
शोभला दलितांचा राजा खरा

डाव साधून दुष्ट काळाने
आज आम्हाला पोरके केले
चैत्यभूमीवर उसळला जनसागर
साश्रु नयनांचे पाट वाहिले

बळवंत शेषेराव डावकरे
मुखेड जिल्हा नांदेड

0 4 8 2 9 0