0
4
8
2
9
4
गौरी आल्या अंगणी
ढोल ताशांच्या गजरी
गौरी आल्या ग अंगणी
त्यांच्या स्वागतासाठी
गुलाल उधळे गगनी
रांगोळीची उधळण
हळदी कुंकवाचा सडा
नाजूक हास्याने गौरीच्या
गेला खुलुनिया वाडा
दुःख बाजूला सारत
सुख समृद्धी घेऊन
गौरी आल्या ग अंगणी
साज श्रृंगार लावून
भरतात सुहासिनी
खनानारळाचीं ओटी
झिम्मा फुगडी खेळती
पदर खोचूनिया पोटी
दोन दिवसां करिता
येती माहेरवाशिणी
पूजा अर्चा करुनिया
देवू निरोप हर्षूनी
प्रा.दिनकर झाडे
गडचांदूर, जि. चंद्रपूर
========
0
4
8
2
9
4
