0
6
2
9
0
4
कौतुकालय
इथे प्रत्येक माणसाला
कलाकारी जमत नसते
मात्र रसिकराज बनणे ,
सहजच संभव असते.. .//
सच्चा कलाकाराला,
हवा असतो लोकाश्रय
म्हणून दर्दि रसिकांचे,
हवे एक कौतुकालय.//
जेव्हा वाह क्या बात है,
ही मिळते उत्स्फूर्त दाद
तेव्हाच त्या कलेलाही
लागून जातात चार चांद… //
शाबासकीची एक थाप,
अमाप प्रेरणेचे बळ देते
याच स्फुरण मंत्राने मग
प्रतिभा नभात झेप घेते..//
रसिकांची टाळी जणू
बँक आँफ समाधान
व्याजच सरत नाही,
मुद्दल तसेच आबादान..//
विष्णू संकपाळ
बजाजनगर, छ. संभाजीनगर
0
6
2
9
0
4
